الاثنين، فبراير 11، 2008

 

معشر المدونين المغاربة

أيها الناس
يا معشر القوم
ما كانبغبش نكتب ف داكشي اللي كايتسمى السياسة
لانه بكل بساطة السياسة كانمرسها فالواقع
فالجمعيات و المنظمات
و بكل حرية نعم
ندخل ديريكت فالله و الوطن و الملك و حتا انا هنا نحيا
المدونة ديالي باغين نخصصها للتخربيق السريالي ديالي
التدوين يعني بالنسبة لي الحرية و التمرد بلا وصاية
اييه صحيح ان التدوين بدا سياسي اولا فالغرب و مللي جا عندنا ايضا سياسي زعما ولا بحال شي قوة ضغط و الصحافيين اللي ما قدروش يقولو شي حاجة فالجرائد ديالهوم ولاو يقولوها هنا بحرية ولكن المغرب راه ماشي بحال السعودية و مصر الى مازال عندهوم بحال اللي كان المغرب فالسبعينيات او اكفس
هنا و ما نقدروش ننكروها كاين تغيير عندنا و كاينة حرية نسبية و لكن بحدود و راه كل دولة و نظام سياسي عندو حدود ثاني
و لكن ما نقولش ان الملكية هي اللي عطات هاد الحرية لا راه هادشي من مكتسبات الشعب و الحركات اديالو اللي ناضلات و تكرفسات عليه و كون لقا المخزن يتراجع عليع يتراجع اليوم قبل غدا
المغريب مختلف
راه كون كانت غير حركة واحدة ديال المعارضة اللي كانت عندنا بحال 23 مارس او الى الامام او حركة البصري المسلحة فمصر مثلا كون شدات الحكم
المعارضة كانت قوية اييه و النظام تاهوا كان قوي
اذن التدوين ف المغرب ما يمكنش يكون بحال فمصر يعني قوة ضاغطة و مساحة حرية كاتفضح النظام و الانتهاكات اللي كايدير
اذن لاش تقليد المشارقة؟ و لاش التباكي ديال شي بعضين اللي بغاو التدوين يدالنا يولي بحال ديال مصر؟ راه مايمكن الواقع ديالنا مختلف و ما ميمكنش نستوردو مشاكلهم للواقع ديالنا بزز
و بالتالي التدوين تا هو غادي يكون مختلف
صحيح انو شي مرات كان التدوين المغربي قوة مغيرة بحال مللي جنكري اللي فضح سفريات مسؤول و زينبي اللي صور وثائقي على انفكو و با عروب"larbi" ومعاه اكثرية المدونين تضامنو مع مجلة نيشان ف الوقت اللي كلشي خايف من بولحية ولكن هذا لا يعني ان التدوين خاص يكون غير سياسة عندنا
دابا الجرائد و الاذاعات المغربية براسها مالقات مواضيع و فضائح تهضر عليها و هي اللي المراسلين ديالها موزعين فالمغريب كلو و كايتخلصو خلي عليك حنا المدونيين مدابزين غير مع المشاكل
ولا تسيير مدونة اصعب من تسيير حزب
ويمكن تقول اي حاجة و ما تخاف والو . المخزن مابقاش مسوق يخليك تموت غما غير بالتمياك و الشعب تا هو مامسوقاش كاع للاذاعات و الجرائد خلي عليك مدونة ف انترنيت؟ شحال من واحد كاع عندو انترنيت ف المغريب؟
بلا وهم الاصدقاء
شي وحدين من كثرة التأثر بالمصريين ولاو تاهما كياديرو اتحادات و مدابزين
ها الفدرالية المروكية للمدونين ها الاتحاد المدوني للقوات البلوكية ها التجمع الوطني للبلاوكية
مالنا على هادشي؟ خليونا ناشطين هنا نبوحو باي حاجة بلا وصاية بلا مايجي شي واحد يقول راه التدوين هو هدا او ماشي هدا و يعطينا دروس
انا كانكتب اولا هنا لراسي و اخجل من ان اسمي نفسي كاتبا او اديبا
انا باغي غير الحرية و النشر و نحس ان لي وجود لان وجودي فالواقع شاك فيه اصلا
و لان الجرائد و المجلات ما عمرها نشرات لي
حارو فاش يصنفو هادشي للي كان كتب ماهو شعر و لا قصة
وضع التدوين المغربي احسن ما يكون و رائع ما عمر شي مدون تشد و لا تحبس و لا تدريونجا من المخزن او اي كان
اذن بلا تباكي و صاية اسيادنا
المغاربة خطار كل شي دايرين فيه التبزنيس
شي وحدين دارو مسابقة ديال البلوغات قاليك دعما للتدوين
الا بغيتو تدعمونا دورونا معانا واحد واحد غير نشطو شوية على الاقل
راه كوكل ماساهلاش الفلوس موجودة
و لكن المثير هو انها مسابقة بالتصويت بحال داكشي ديال الاس ام اس ديال ستار اكاديمي هه
واش ما يقدروش يديرو لجنة تحكيم هي تحكم و تختار الفائزين بناءا على معطيات وقواعد معينة؟
المثير ان التدوين عند اصحابنا غير بالفغونصي اما تاعرابت و تمازيغت و الدارجة أوهو علاه؟.
ما عندي نتا مشكيل مع الفرنسية بل انا نتجاوز الموقف تا ديال اللي يتكلمو بيها و عايشين انفصام في اعتباري لها انها لغة وطنية مغربية
ولكن واش مابانوش ليهوم مئات المدونات فجيران و مكتوب و غيرو ؟وعلاش المسابقة بداك الشكل؟ بحال الا بغاو يخليوها بيناتهوم
و المشكيل انهم دارو صنف ديال العربية ربحات فيه مدونة تقرا جوج سطور فيها تتمنى من بعده تنطح البي سي PC
بشي روسية

(اسلوب ديال مقالة فيها تهنئة بالعيد او ديال وصف المزاج ديال الصباح
كي دارين الدراري فقت اليوم و باغيا نقول ليكوم صباح الخير
واخا عليك امنال ماجاوبتيش على اس ام اس ديالي )
و اسلوب ديال دفتر الذكريات و خواطر المراهقة
(اني احبه و البحر بجانبنا يبتسم و الشمس و القمر و الحب هو الذي يطيرني في السماء واهمس فيك يا حبيبي تعالا ترم ترم)
واش مابانتش ليكم مدونة ديال احجويج او تزارت او مدونات مغربية فمكتوب و جيران تقراها تبقا فاتح فمك معجبا تحشم على اسلوبك و عربيتك و تتحسر فين كياجيبو هاد الافكار
المهم
مبروك التبزنيس ما خليتو تاواحد ما درتو الحبة على ظهرو
اتمنى لكم الفشل
امين و ما تقلقوش( انا ما باغي نربح لا والو مدونتي فاشلة بحالي لكن ما نكرهش الا غادي دورو معاي باش نبيع الماتش و سكت هاني واجد )

Comments:
أقف إجلالا و احتراما لكلامك
 
هههه عتدك الصح اودي ال الفاشل و هادوك انا بعدا كيضحكوني او نفس الوقت كيقيويني ها اللي بغا يدير حزب الكتروني ها اللي بغا يدير كاستينغ ستار ديال المدونين يديرو. شي بغا يولي صحفي او شي بغا يدير الثورة من البيسي او هو كالس او شي بغا يحرر فلسطين كاع الخ او شي بغا غير يدير وصي او ما يخلي الناس تخربق باش تنفس على راسها شويا.........المهم تامارا اودي الفاشل
---------------------------------

ضحكتني هاديك المزايدة ديال الفرنسية لغة وطنية ....ههههه زعما غير الى جابت لالا ملوكة او دارت انها لغة وطنية غيوليو يقراوها ولاد الشعب ولا اشنو...... الحقيقي انها لغة ديال كل من اشم به رائحة اللاوطنية هه ايوا شوف شكون كيتكلمها /اي طبقةاو سميها وطنية اسي الفاشل هههه

-----------------------------


غير خليهم اصاحبي راهوم مراض او نتا غير كتب ا الرجيم راه حنا كانقراوك او وجد راسك لشي كلسة
 
خليونا ناشطين هنا نبوحو باي حاجة بلا وصاية بلا مايجي شي واحد يقول راه التدوين هو هدا او ماشي هدا و يعطينا دروس


entièrement d'accord
 
malha l français malha??? snif snif

C'est ce qu'on a appris dans les écoles! on n'y peux rien
 
"معشر المدونين المغاربة"=le texte fondateur de la blogosphere marocaine(asif al asdi9a2 ma 3endi clavier arabe,sinon j'aurai ecrit en 7assani)
 
Warm welcome to Alnemat TheGrace Arabic Christian Internet Magazine, We love you! Please visit us at:

In TheGrace opportunity to meet Jesus the Savior / ‏في النعمة فرصة للقاء يسوع المُخلِّص
http://www.TheGrace.net
Salvation pardon peace life certitude mercy in Jesus/‏خلاص غفران سلام حياة يقين رحمة في المسيح
http://www.TheGrace.org
Arabic Christian Magazine The Grace offering the Arabic Bible ‏النعمة تقدم الإنجيل الكتاب المقدس
http://www.TheGrace.com

نتمنى لكم الفرح والسلام والمحبة, لأن السلام افضل من الحرب والمحبة افضل من الكراهية, والنظام أفضل من الفوضى. والحق ضد الظلم , كما ان النور والحرية أفضل من الظلمة والقيود. ايضا التسامح والبركة خير من الحقد واللعنة. هكذا الإنقياد بالصلاح والتعقل فائدة من هيمنة الشر والتسرع بما لا يقاس.
سلام لكم في محبة الله. نتأمل زياراتكم الكريمة لموقع النعمة موقع مجلة النعمة يقدم كلمة الله الكتاب المقدس الإنجيل رسالة السيد يسوع المسيح قراءات مختارة مواضيع مصيرية قصص واقعية شهادات شخصية ترانيم ممتازة ردود مؤكدة كتب بنّاءة رسوم تسالي تأملات يوميات
Bible in Arabic Audio Read search Studys Stories Testimonies Hymns and Poems Answers Books Links Daily devotions Acappella Music Graphics /Alnemat Journal Arabe Chrétien La Grâce la Revue Arabe sur Internet offre La Sainte Bible Al-Injil L'Evangile de Jésus Christ gratuit, Bienvenue a La Grâce.
 
مكافحة حشرات ابوظبى 0567410494 التاج الملكى
تعتبر أفضل
شركة مكافحة الثعابين ابوظبى
شركة مكافحة الرمة ابوظبى


 
إرسال تعليق



<< Home

This page is powered by Blogger. Isn't yours?